काठमाण्डौ,२३ असोज ।
निवर्तमान प्रधानमन्त्री सुशील कोइरालाले प्रधानमन्त्रीका लागि उम्मेदवारी दर्ता गर्नुभएको छ । राष्ट्रपतिसमक्ष राजीनामा बुझाए लगतै कोइरालाले बानेश्वर पुगेर उम्मेदवारी दर्ता गर्नुभएको हो ।
कोइरालाको प्रस्तावकमा वरिष्ठ नेता शेरबहादुर देउवा र समर्थकमा उपसभापति रामचन्द्र पौडेल रहनु भएको छ । उम्मेदवारी दर्तापछि सञ्चारकर्मीसंग कुरा गर्दै कोइरालाले पार्टीको निर्णय अनुसार उम्मेदवारी दिएको बताउनु भयो ।
बिहान बसेको काग्रेस शिर्ष नेताको बैठकले सुशील कोइरालालाइ नै पुन प्रधानमन्त्रीको उम्मेदवार बनाउने निर्णय गरेको थियो ।सभापति कोइराला, उपसभापति रामचन्द्र पौडेल र वरिष्ठ नेता शेरवहादुर देउवावीच सहमति भएपछि सोहि अनुसार कंग्रेसले उम्मेदवारी दर्ता गरेको हो ।
बैठकमा कोइरालाले आफु उम्मेदवार भए मधेसकेन्द्रित दलले समेत सहयोग गर्ने आश्वासन दिएको भन्दै आफैलाइ प्रस्ताव गर्नुभएको थियो ।
