काठमाण्डौ,२३ असोज ।
नेकपा एमालेका अध्यक्ष केपी शर्मा ओलीले प्रधानमन्त्रीका लागि उम्मेदवारी दर्ता गर्नुभएको छ । संसद सचिवालयमा दर्ता गरिएको उम्मेदवारीको प्रस्तावक एमाओवादी अध्यक्ष पुष्पकमल दाहाल रहनु भएको छ ।
समर्थकमा राप्रपा नेपालका अध्यक्ष कमल थापा हुनहुन्छ । ओलीको समर्थनमा साना र ठूलासहित २५ दल रहेको एमाले नेताले बताएका छन ।
संसद सचिवालयमा आज विहान ११ बजे देखि अपराह्न चार बजेसम्म दलहरुले उम्मेदवारी दर्ता गर्नु पर्ने संसद सचिवालयले जनाएको छ । अपराह्न साढे चार बजेपछि सचिवालयले दर्ता भएको उम्मेदवारहरुको नामावली सार्वजनिक गर्ने सहायक प्रबक्ता सुर्दशन कुइकेलले जानकारी दिनुभयो ।
भोली विहान ११ बजपछि नयाँ प्रधानमन्त्रीको चुनाव हुने संसद सचिवालयले जनाएको छ । ३ वा ३ भन्दा बढि उम्मेदवार भएर पहिलो चरणमा कसैले आवश्यक बहुमत प्राप्त गर्न नसके बढि मत प्राप्त गर्ने दुई उम्मेदवारबीच दोस्रो चरणको निर्वाचन हुनेछ ।
