काठमाडौ २२ असोज ।
प्रधानमन्त्रीको उम्मेदवारी दिने वा एमालेलाई समर्थन गर्ने भन्ने बारेमा छलफल गर्न नेपाली कांग्रेस केन्द्रिय कार्यसमितिको बैठक आज पनि बस्दैछ ।
प्रधानमन्त्रीको सरकारी निवास बालुवाटारमा बिहान ११ बजेपछि बस्ने बैठकमा हिजो बोल्न बाँकी रहेका सदस्यहरुले आज धारणा राख्नेछन ।
अहिलेसम्म बोल्ने मध्ये अधिकांश सदस्यहरुले एमालेलाई एमालेलाई समर्थन नगरी आफ्नै पार्टीबाट उमेदवारी दिनुपर्ने धारणा राखेका छन् ।
आफै उमेदवारी दिने अवस्थामा पार्टीका तर्फबाट कसलाई अघि सार्ने भन्ने विषयमा पनि कांग्रेसले आजै निर्णय गर्ने बताइएको छ । भावी प्रधानमन्त्रीका लागि वरिष्ठ नेता शेरबहादुर देउवा र उपसभापति रामचन्द्र पौडेलले दावी गर्नुभएको छ ।
प्रधानमन्त्री शुसिल कोइराला अर्को कार्यकालका लागि आकांक्षी रहेपनि खुलेर अघि नसर्नु भएको केन्द्रीय सदस्यहरुले बताएका छन ।
