काठमाडौ २१ असोज ।
नेपाली कांग्रेसको केन्द्रिय कार्यसमितिको बैठक आज पनि बस्दैछ । बैठक बालुवाटार स्थित प्रधानमन्त्री निवासमा बिहान ९ बजेपछि सुरुहुनेछ ।
आजको बैठकमा समसमायिक राजनितिक परिस्थित र नयाँ सरकार गठनका बारेमा छलफल हुने कांग्रेस नेता गगन थापाले जानकारी दिनुभयो ।
यसअघि हिजो बसेको पहिलो बैठकले १३ महाधिवेशनको मिति तय गरेको थियो । बैठकले पार्टीको महाधिवेशन आगामी फागुन २० देखि २३ सम्ममा काठमाडौंमा गर्ने निर्णय गरेको छ ।
महामन्त्री कृष्णप्रसाद सिटौलाले पेश गर्नुभएको महाधिवेशन कार्यतालिका केन्द्रिय कार्यसमिति बैठकले पारित गरेको हो । कार्यतालिका अनुसार माघ १५ गते गाउँनगर तथा वडाको निर्वाचन हुने छ भने माघ २२ मा क्षेत्रीय अधिवेशन हुने छ ।
माघ २५ मा जिल्ला अधिवेशन हुनेछ । यसअघि तोकिएको मितिमा महाधिवेशन भएको थिएन । नयाँ संविधान जारी भएपछि संविधानको व्यवस्थाअनुसार यही कार्यसमितिको ६ महिना म्याद थप गरिएको थियो ।
