काठमाडौ २० असोज ।
भारतको सुनौली तथा नौतनवा बजारमा किनमेल गर्न गएका ५ नेपाली गृहिणीमाथि भारतीय पक्षले दुर्व्यवहार गरेका छन् ।
नौतनवामा किनमेल गरेर फर्किदै गरेका सालझण्डी निवासी रमकला फौडेल, सोही स्थानकी अनिता शर्मा, बुटवल उपमहानगरपालिका बेलबासकी सम्झना गुरुङ र मणिग्रामकी देवी भुसालले भारतीय व्यापारीले आफूहरुमाथि दुर्व्यवहार गरेको बताएको छ । ती व्यापारीले आफूहरुसँग अपशब्द प्रयोग गर्दै दुर्व्यवहार गरेको उनीहरुको भनाई छ ।
सुनौली र नौतनवामा नेपाली महिलामाथि दुर्व्यवहार भएसँगै अहिले नेपाली सुरक्षा अधिकारीहरुले केहीदिनका लागि भारत तर्फ नजान आग्रह गर्दै फर्काउने गरेका छन् ।
यस्तै मधेशी मोर्चाका कार्यकर्ताले भारतीय सेनामा कार्यरत भई घरबिदामा नेपाल फर्किदै गरेका एकजना सैनिक र ट्रकचालकलाई पनि सुनौलीमा कुटपिट गरेका छन् ।
भारतीय सेनामा कार्यरत बुटवल देवीनगरका गणेश थापालाई बिदामा घर फर्किने क्रममा सुनौलीमा मोर्चाका कार्यकर्ताले सांघातिक हमला गरी घाइते बनाएका हुन् । उनको टाउकाको दायाँ भागमा चोट लागेको छ ।
