काठमाडौं, १९ असोज ।
नेत्र विक्रम चन्द ‘ विप्लव’ निकट माओवादीको युवा संगठनको दोश्रो राष्ट्रिय सम्मेलन पोखरामा आज पनि जारी छ । सम्मेलनको माओवादी प्रबक्ता खड्क बहादुर विश्वकर्मा प्रकाण्डले हिजो उदघाटन गर्नुभएको थियो ।
उदघाटन कार्यक्रममा प्रकाण्डले अव देशमा दुई खाले सत्ता बनेको उदघोष गर्दे दुई सत्ता बिचको टकराव सुरु हुने बताउनुभएको छ ।
१२ बुँदे सहमति स्वीकारेर परिबर्तनलाई आत्मसाथ गर्छु भन्ने तत्कालीन सात राजनितिक दल र तत्कालीन राज्य सत्ताले अहिले आएर माओवादीलाई धोका दिएकोले अब सहमति उल्लघंन गरीएपछि माओवादी मात्र चुप लागेर नबस्ने उहाको भनाई थियो ।
शान्ती प्रकृया जनबिरोधी संबिधान घोषणा गरेपछि नै स्वतः भंग भएको प्रकाण्डले बताउनभयो । देशमा दलालहरुको उत्पादन गरेर आन्दोलन र सरकारमा पनि आफ्नै ऐजेन्टहरु खडा गरेर भारतले नेपालमा सधै एक छत्र राज गरेको भन्दै प्रकाण्डले एकातिर संबिधान जारी गर्न नदिने अनि अर्का्तिर संबिधानको पक्ष बिपक्षीमा पनि दलाल खडा गरेको दाबि गनुभयो ।
उहाले देशमा नाकाबन्दी गरेर नेपाली जनताको घाँटी समाउने भारतको प्रयास असफल हुने स्पष्ट पार्नुभएको छ ।
सुगौली सन्धीबाट सुरु भएको भारतको उपनिबेशको चरक रुप नै अहिलेको नाकाबन्दी भएकोले डटेर सामाना गर्न उहाले सबैमा अनुरोध पनि गनुभएको छ ।
कार्यक्रममा नेकपा माओवादी पोलिटब्युरो सदस्य उमा भुजेल, केन्दीय सदस्य परशुराम रम्तेल, साबित्रा दुरा लगायतले बोल्नुभएको थियो । सम्मेलन आज सम्पन्न हुनेछ ।
देशभरबाट ३०० प्रतिनिधिहरु सहभागि भएको सम्मेलनले नयाँ नेतृत्व चयन गर्नेछ ।
