काठमाडौ १८ असोज । इंग्लिस क्लब लिभरपुलका प्रशिक्षक ब्रेन्डन रोजर्सलाई पदबाट बर्खास्त गरेको छ ।
इंग्लिस प्रिमियर लिग अन्तर्गत गएराति सम्पन्न खेलमा लिभरपूल एर्भटनसँग १–१ को बराबरीमा रोकिएपछि प्रशिक्षक रोजर्सलाई बर्खास्त गरेको हो ।
रोजर्सलाई बर्खास्त गरेको जानकारी गएरातिको खेल सकिएपछि दिइएको भएपनि क्लबले त्यस अघि नै उनलाई हटाउने निर्णय गरिसकेको थियो ।
अब रोजर्सको ठाउँमा बोरुसिया डर्टमुण्डका पूर्व प्रशिक्षक जर्गेन क्लप प्रशिक्षकको रुपमा आउने सम्भावना छ ।
तर चेल्सी तथा रियल मड्रिडका पूर्व प्रशिक्षक कार्लोस एन्सिलोटी तथा अजाक्सका प्रशिक्षक फ्र्रयांक डी बोअरको पनि चर्चा चलेको छ ।
यो सिजन खराब प्रदर्शन गरेको लिभरपुल ८ खेल सकिँदा १२ अंक सहित तालिकाको ११ औं स्थानमा छ ।
रोजर्सलाई बर्खास्त गर्ने निर्णय लिन निकै कठिन भएको तर यसले क्लबको प्रदर्शन सुधारका लागि सहयोग गर्ने अपेक्षा गरिएको लिभरपुलले जनाएको छ ।
