काठमाण्डौ,१७ असोज ।
राप्रपा नेपालले महामन्त्री चन्द्रबहादुर गुरुङको निधनमा सात दिन शोक मनाउने निर्णय गरेको छ ।
पार्टी केन्द्रीय कार्यसम्पादन समितिको बिहान धुम्बाराहीमा बसेको आकस्मिक बैठकले महामन्त्री गुरुङको निधनमा सात दिनसम्म शोक मनाउने, तीन दिनसम्म पार्टीको झन्डा झुकाउने र १३ दिनसम्म पार्टीले कुनै पनि औपचारिक कार्यक्रम नगर्ने निणर्य गरेको सहमहामन्त्री राजाराम श्रेष्ठले जानकारी दिनुभयो ।
बैठकले गुरुङको पार्थिव शरीरलाई नेपाल ल्याउने र वैद्धिक परम्पराअनुसार दाहसंस्कार गर्नेलगायत व्यवस्थापनका लागि पार्टी उपाध्यक्ष राजीव पराजुलीको संयोजकत्वमा एक समिति गठन गरेको छ ।
अमेरिकाको कोलोराडोमा क्यान्सरको उपचार गराइरहेका गुरुङको गएराति मृत्यु भएको थियो । स्याङ्जाको पञ्चमूल सिरुवारीमा २०१२ सालमा जन्मिएका गुरुङ पहिलो संविधानसभामा समानुपातिक सभासद् हुनुहुथ्यो।
