डडेलधुरा ,१६ असोज ।
डडेल्धुरा जिल्लाको एक गाविस सचिवले महिला दलित आदिवासीका लागी आएको रकम कार्यान्वयनमा ल्याउन नसकेको स्थानीयले आरोप लगाएका छन ।
डडेल्धुरा जिल्लाको अजयमेरु गाविस स्थीत गाविस सचिव कृष्ण बहादुर ऐरले गत आर्थिक बर्ष २०७१ का लागी आएको १५ प्रतिशत रकम कार्यान्वयनमा नल्याएको स्थानीय नेपाली काग्रेसका गाउ कमिटी सभापति गज बहादुर ऐरले जानकारी दिनुभयो ।
गाविस सचिव ऐरले यस अघि पनि जिल्लाको चिपुर गाविस देवलदिब्यपुर गाविस लगायत थुर्पै गाविसमा मनोमानी ढंगबाट भष्टाचार गरेका समाचार बिभिन्न संचार माध्यमा प्रसारण तथा प्रकाशित हुदा समेत सचिवको पुरानै शैली हावी रहेको स्थानीयको भनाई छ ।
गाविस कार्यालयमा गत आर्थिक बर्षमा आएको रकम पार दर्शी रुपमा समेत काममा लगाउन नसकेको ,गाविसमा बिभिन्न क्रियाकलापहरु सिफारीस देखि जन्म मृत्यु दर्ता नागरिकता वनाउने सम्मका काममा समेत चरम लापरवाही गर्ने गरेको सोही गाविसका स्थानीय राम ऐरले बताउनु भयो ।
