काठमाडौ १६ असोज ।
नेकपा एमालेका महासचिव ईश्वर पोखरेलले सीमानाकाहरुमा गरेको अघोषित नाकाबन्दी भारतको हेपाह प्रवृत्ति भएको बताउनु भएको छ ।
प्रेस चौतारी कास्कीले आज बिहान पोखरामा गरेको पत्रकार भेटघाट कार्यक्रममा बोल्दै उहाले अहिलेको नाकाबन्दी भारतीय पक्षको हेपाह प्रवृत्तिको पुनरावृत्ति भएको बताउनु भएको हो ।
यस्तो प्रवृत्ति अहिले मात्र नभइ बेलाबेलामा नेपालले भोग्दै आउनु परेको बताउनु हुदै उहाले आगामी दिनमा छिमेकीहरुलाई चलखेल गर्न दिन नहुने धारणा राख्नु भएको छ ।
विगतमा राजनितिक दलहरुले स्पेस दिएकाले छिमेकीले खेल्ने मौका पाएको स्वीकार गदै नेता पोखरेलले अबको दिनमा यस्तो हुन नदिन सबै शक्तिको एकता आवश्यक रहेको पोखरेलको भनाई छ ।
नाकाबन्दी खुलाउने बारेमा राजनितिक तहबाट आवश्यक पहल भइरहेको पोखरेलले बताउनुभयो । एक फरक प्रसंगमा उहाले अब बन्ने राष्ट्रिय सरकारको नेतृत्व एमालेले गर्ने बताउनुभयो ।
