काठमाडौँ, १५ असोज ।
प्रजातान्त्रिक विचार समाजले दैनिक आपूर्तिलाई सहज बनाउन नेपालले भारतसँगको सबै नाका खुलाउन तत्काल पहल गर्न सरकारसित आग्रह गरेको छ ।
समाजले भारतले अघोषित रुपमा आफ्नो सीमाबाट आवातजावत गर्न मालवाहक साधनलाई रोक्ने कार्य आपत्तिजनक भएको भन्दै भूपरिवेष्टित देशले पाउने पारवाहन अधिकारलाई नेपालले प्रयोग गर्न ढिलाइ नगर्न सुझावसमेत दिएको छ ।
समाजका अध्यक्ष डा केदारनरसिंह केसीले आज प्रेस विज्ञप्ति प्रकाशित गरी नेपालको दैनिक जनजीवनलाई असर पार्ने गरी अत्यावश्यक सामग्रीलाई नरोक्न भारतीय पक्षलाई आग्रहसमेत गरेको छ ।
संविधानप्रति असहमति राखी तराई मधेसमा भइराखेका आन्दोलनलाई वार्ता, सहमति र सहकार्यका माध्यमबाट हल खोज्न सरकार र आन्दोलनरत पक्षलाई समाजले विज्ञप्तिमार्फत आग्रह गरेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
