काठमाडौं, १५ असोज ।
सरकारले अर्को आर्थिक वर्षदेखि औषधि अभाव नहुने दाबी गरेको छ । आयात र ढुवानीको झन्झटिलो प्रक्रिया तथा जिल्ला जनस्वास्थ्य कार्यालयसँगको समन्वयन प्रभावकारी नहुँदा औषधिको अभाव भैरहेका बेला सरकारले यस्तो दाबी गरेको हो ।
मन्त्रालयका प्रवक्ता महेन्द्रप्रसाद श्रेष्ठले आउँदो वर्षदेखि भने औषधिको अभाव हुन नदिन स्वास्थ्य मन्त्रालयले खरिद प्रक्रिया नै पहिलो प्राथमिकतामा राखेर सुधारको काम थालिएकोे बताउनुभयो ।
खरिद प्रक्रिया सुधार गरी, औषधि स्टोरका लागि उपयुक्त ठाउँको व्यवस्था गर्ने, स्वास्थ्यकर्मीको क्षमता वृद्धि गर्ने, औषधिको अभाव हुन नदिन जिल्ला जनस्वास्थ्य कार्यालयलमा अनुगमन र निगरानीलाई बढाईने श्रेष्ठले बताउनुभयो ।
अहिलेको खरिद प्रक्रिया सक्षम र प्रभावकारी नदेखिएपछि सुधारका लागि समिति गठन गरेर काम थालिसकेको मन्त्रालयले जनाएको छ ।
औषधिमा सबैको पहुँच पु¥याउन भन्दै सरकारले ७० प्रकारका औषधि निशुल्क वितरण गर्ने भनिएपनि अनुगमन र समन्वय नहुँदा तथा सडक सञ्जालका कारण समेत केहि ठाउँमा औषधि धेरै र केही ठाउँमा अभाव हुने गरेको छ ।
