काठमाडौँ, १४ असोज ।
राष्ट्रिय योजना आयोगका उपाध्यक्ष प्रा डा गोविन्दराज पोखरेलले भूकम्पपछिको पुनर्निर्माणका कार्यक्रम प्रभावकारी बनाउन जनतासमक्ष जानुपर्ने बताउनुभएको छ ।
राष्ट्रिय योजना आयोग, एसियाका लागि संयुक्त राष्ट्र सङ्घीय आर्थिक तथा सामाजिक आयोग र दक्षिण एसियाली क्षेत्रीय सहयोग सङ्गठन (सार्क) विपद् व्यवस्थापन केन्द्रको सयुक्त आयोजनामा आजदेखि सुरु भएको भूकम्पपछिको पुनर्निर्माण गोष्ठीमा उहाँले जनसहभागिता पुनर्निर्माणको महत्वपूर्ण पाटो भएको बताउनु भयो ।
राजनीतिक संक्रमणका कारण भूकम्पछिको पुनर्निर्माण कार्यलाई द्रुत गतिमा अगाडि बढाउन नसकिएको बताउँदै उहाँले पुनर्निर्माणका लागि मानवीय स्रोत जुटाउनु मुख्य चुनौति भएको उल्लेख गर्नुभयो ।
राष्ट्रिय तथा अन्तर्रा्ष्ट्रिय निकायसँग समन्वय गरेर पुनर्निर्माणका कार्यक्रम केन्द्रदेखि स्थानीयस्तरसम्मको समाजिक पाटोलाई विशेष ध्यान पु¥याउनका लागि सरकारी, सामाजिक एवम् राजनीतिक क्षेत्रका सबै निकायको सहयोग अपरिहार्य भएको बताउनुभयो ।
