काठमाडौँ, १३ असोज ।
सरकारले भूकम्पपछि अवरुद्ध भएको चीनसँगको व्यापारिक नाका शीघ्र सञ्चालनका लागि सहयोग गर्न चीनसँग आग्रह गरेको छ ।
वाणिज्य तथा आपूर्ति मन्त्रालयका सचिव नईन्द्र प्रसाद उपाध्यायले नेपालका लागि चिनियाँ राजदूत वु चुन्ताईलाई आज आज वाणिज्य तथा आपूर्ति मन्त्रालयमा बोलाएर भूकम्पपछि प्रभावित भएको व्यापारलाई सहज बनाउन पहल गर्न आग्रह गर्नुभएको हो ।
उक्त भेटमा सचिव उपाध्ययले सीमा क्षेत्रका नाकाहरुलाई चाडो सञ्चालनमा ल्याइ व्यापारलाई सहज बनाउन अनुरोध गरिएको जानकारी दिनुभयो । सचिव उपाध्ययले नेपालीका महान पर्ब दशै तिहार नजिकिँदै गर्दा मानवीय सामग्रीको अभाव भएको र त्यसलाई सहज बनाउन चिनियाँ पक्षलाई पहल गरिदिन अनुरोध गरिएको जानकारी दिनुभयो ।
जवाफमा राजदूत चुन्ताईले चाडो चीनसँगको नाका सञ्चालन गर्न आफूहरु प्रयासरत रहेको भन्दै केही दिनमै व्यापार सहज हुने विश्वास दिलाउनुभएको उहाँले बताउनुभयो ।
