काठमाण्डौ,१३ असोज ।
करिब ५ महिनादेखि रोकिएको घर नक्सा पास गर्ने कार्य धनकुटा नगरपालिकामा खुलेको छ । भुकम्प आएपछि घर नक्सा पास गर्ने कार्य रोकिएकाले अव असोज १० गतेदेखि लागु हुने गरी खुल्ला गर्ने निर्णय गरेको कार्यकारी अधिकृत तिर्थप्रसाद धितालले बताउनुभयो ।
नगरपालिका कार्यालयमा बसेको सर्वदलिय बैठकले नगरक्षेत्रमा सरकारी मान्यता प्राप्त ईन्जिनियरले बनाएको नक्सामा घर बनाउने पाउने निर्णय गरेको हो । भूकम्पमा परेर भत्किएका वा अन्य नयाँ संरचना निर्माण गर्दा नगरपालिकाको मापदण्डमा रहेर निर्माण गर्नु पर्ने कार्यकारी अधिकृत धितालले बताउनुभयो ।
नगरका १५ वटै वडामा ६ मिटर सडक रहने गरी घर निर्माण गर्नु पर्ने र भुकम्प प्रतिरोधि घर निर्माण गर्नु पर्ने निर्णय भएको छ । जिल्लामा क्रियाशिल राजनितिक दल, नागरीक समाजका प्रतिनिधि लगायत संघसंस्था एवं प्राविधिक लगाएतको उपस्थिति रहेको बैठकले सडक मापदण्ड र नगरपालिकाको अनुमति विना घर बनाए तत्काल कानुनी कार्वाही गर्ने निर्णय समेत गरेको छ ।
भुकम्प आएपछि धनकुटा बजार क्षेत्रमा प्राविधिकले नक्सा बनाएपनि नगरपालिकाबाट अुनमति नलिई घर निर्माण भईरहेको थियो ।
