१२ असोज धरान
लामो समयदेखि तराइमा जारी मधेश तथा थारु आन्दोलनका कारण यातायात सेवा ठप्प हुदा पूर्वाञ्चलमा खाद्यन्न अभाव चर्किएको छ ।
हिन्दु नेपालीहरुको महान पर्व दशै तिहार नजिकिदै गएको समयमा पूर्वका बजारहरुमा खाद्यान्न अभाव चर्किएको हो ।
सिमाङकन प्रति असन्तुष्टि जनाउदै मधेशवादी तथा थारुवानहरुले डेढ महिना देखी तराइमा जारी राखेको अनिश्चितकालिन आमहडताल र भारतबाट अघोषित नाकाबन्दीका कारण पूर्वमा खाद्यान अभाव चर्किएको छ नजिकैको सिमा नाका भारतीय पक्षले ठप्प बनाइदिदा र लामो दुरीका यातायात सुचारु हुन नसक्दा पुर्वमा खाद्यन्न अभाव चर्किएको उद्योगी तथा ब्यापारीहरुले बताउदै आएका छन ।
पूर्वको अन्य जिल्लाहरुभन्दा बिकट पहाडी जिल्ला , धनकुटा , खोटाङ , भोजपुर , इलाम लगायतका शहरहरुमा खाद्यान्न अभाव जटिल बन्दै गएको हो । अहिले पुर्वको बजारहरुमा खाने तेल , चामल , चिनी , नुन , पेट्रोलियम पदार्थ लगायतको चरम अभाव देखिएको छ । पूर्वमा खाद्यन्न अभावसंगै ग्यासको कालोबजारी पनि फस्टाउन थालेको छ ।
यता सुनसरीका प्रमुख जिल्ला अधिकारी रबिलाल पन्थले जिल्लामा खाद्यन्न अभाव हुन नदिन चाडै सर्वपक्षीय छलफल डाकी समस्याको सामधान गर्ने बताउनु भएको छ । साथै बजार अनुगमनलाई निरन्तरता दिने प्रमुख जिल्ला अधिकारी पन्थले जानकारी दिनुभयो ।
