काठमाडौ ११ असोज ।
हिंसात्मक घटनापछि कैलालीको टिकापूरमा खाटिएका नेपाली सेना आजबाट ब्यारेक फर्किने भएका छन् ।
थरुहट प्रदेशको माग गर्दै थारुवान÷थरुहट संघर्ष समितिले गरेको आन्दोलनले हिंसात्मक रुप लिएपछि स्थानीय प्रशासनले टीकापुर, धनगढी लगायत आसपासका क्षेत्रमा दङ्गाग्रस्त क्षेत्र घोषणा गर्दै सेना परिचालन गरेको थियो ।
गत भदौ ७ गते भएको उक्त घटनाका क्रममा एक बालक सहित आठ सुरक्षाकर्मीको ज्यान गएको थियो । टीकापुरको सुरक्षा स्थिति सामान्य भएको भन्दै स्थानीय प्रशासनले लिखित अनुरोध गरेपछि आजदेखि नेपाली सेना व्यारेक फिर्ता हुन लागेको सैनिक जनसम्पर्क निर्देशनालयले जनाएको छ ।
ती क्षेत्रमा घोषणा गरिएको दङ्गाग्रस्त क्षेत्र यही असोज ६ गते राति १२ बजेदेखि हटाइएको थियो । टीकापुरमा जारी गरेको निषेधाज्ञा हाल बिहान ५ बजेदेखि अपराहृन ५ बजेसम्मका लागि हटाइएको छ ।
