काठमाण्डौ,१० असोज ।
क्रान्तीकारी पत्रकार संगठन नेपालको अध्यक्षमा प्रभात चलाउन निर्बाचित हुनुभएको छ ।
मकवानपूरको हेटौडामा सम्पन्न प्रथम राष्ट्रिय सम्मेलनले चलाउनेलाई अध्यक्षमा निर्बाचित गरेको हो । संगठनको महासचिबमा प्रज्जवल क्षेष्ठलाई चयन हुनुभएको छ ।
सम्मेलनले ५१ सदस्यीय केन्द्रीय समिति पनि चयन गरेको छ । जसको उपाध्यक्षमा दिपेन्द्र रावल, महासचिवमा प्रज्वल श्रेष्ठ र सचिवमा शोभाखर पन्थीलाई निर्वाचित हुनुभएको छ । सम्मेलनपछि बोल्दै अध्यक्ष चलाउनेले जनपक्षिय पत्रकारीताको विकास र श्रमजीवी पत्रकारहरुको हितका पक्षमा सशक्त भूमिका खेल्ने बताउनु भयो ।
उहाले नेपालमा अहिले वैदेशिक हस्तक्षेप चर्को रुपमा बढिरहेको बताउँदै त्यसका विरुद्ध सचेत प्रचारात्मक अभियान थाल्ने, श्रमजीवी पत्रकार ऐन पूर्ण कार्यान्वयन गर्नका लागि दबाब दिने र श्रमजीवी पत्रकारहरुको उच्च पारिश्रमिकका लागि संघर्ष गर्ने बताउनु भयो ।
हेटौडामा सम्पन्न प्रथम राष्ट्रिय सम्मेलनले विधान, नीति तथा कार्यक्रम र समसायिक प्रस्ताव पनि पारित गरेको छ । सम्मेलनमा देशभरबाट २०० भन्दा बढी क्रान्तीकारी पत्रकारहरु सहभागी भएका थिए ।
