काठमाण्डौ,१० असोज ।
म्याग्दी उद्योग वाणिज्य संघले नेपाल पत्रकार महासंघलगायत विभिन्न आठवटा संघसंस्थालाई करिब रु दुई लाख ५० हजार नगद सहयोग गरेको छ ।
संको मूल आयोजनामा विसं २०७१ पुस र माघ महिनामा सञ्चालन भएको पाँचौँ म्याग्दी महोत्सवमा साधारण टिकट बिक्रीबाट प्राप्त आम्दानीबाट सो सहयोग गरेको हो ।
बेनीमा भएको २२औँ साधारणसभाको अवसरमा आठवटा सङ्घसंस्थालाई सहयोग रकम वितरण गरिएको थियो । नेपाल पत्रकार महासङ्घ जिल्ला शाखा, महिला उद्यम विकास समिति र उद्योगी व्यापारी हित कोषलाई रु ४३ हजार २६ का दरले सहयोग गरेको हो ।
यसैगरी बेनी खानेपानी तथा सरसफाइ उपभोक्ता संस्था, म्याग्दी सामुदायिक पुस्तकालय, अपाङ्ग सङ्घ म्याग्दी, नेपाल रेडक्रस सोसाइटी जिल्ला शाखा र जिल्ला बाल कल्याण समितिलाई रु २१ हजार ५३१ का दरले सहयोग गरिएको म्याग्दी उद्योग वाणिज्य सङ्घका महासचिव राजेश शाक्यले जानकारी दिनुभयो ।
