काठमाडौँ, ८ असोज ।
त्रिवि शिक्षण अस्पतालमा अनसनरत बरिष्ठ हाडजोर्नी रोग बिशेषज्ञ डा गोबिन्द्र केसीको स्वास्थ्य अबस्था गम्भीर बन्दै गएको छ ।
सरकारसँग भएको ११ बुँदे सहमति पालना नभएको भन्दै छैटौ पटकको आमरण अनशन तोडेको केही दिनमै उहा सातौ पटक अनसन बस्नु भएको हो ।
छैठौँ अनशनले बिग्रिएको स्वास्थ्य तङ्ग्रिन नपाउँदै असोज २ गते दिउँसोबाट सातौँ अनशन सुरु गर्नुभएका डा केसीको रक्तचाप र श्वासको गति उच्च हुँदै गएको उहाँको उपचारमा संलग्न डा दिव्यसिंह शाहले जानकारी दिनुभयो ।
तीन वर्षको अवधिमा चिकित्सा शिक्षा सुधारका लागि ६४ दिन अनशन बसिसक्नुभएका प्रा डा केसीलाई नर्मल स्लाइन दिइरहेको र उहाँको पिसाबमा समस्या देखिएको डा शाहले उल्लेख गर्नु भयो ।
पछिल्लो पटक माथेमा आयोगको प्रतिवेदन कार्यान्वयनको माग गर्दै भदौमा प्रा डा केसी १४ दिनको अनशन बस्नुभएको थियो ।
पछिल्लो पटक सरकारले शिक्षा मन्त्रीको संयोजकत्वमा गठन गरेको चिकित्सा शिक्षासम्बन्धी आयोग र सो आयोगका सदस्यका बारेमा प्रा डा केसीेको असहमति छ ।
