काठमाडौं, ८ असोज ।
भारतले सिमाक्षेत्रमा अघोषित रुपमा गरेको नाकाबन्दीबारे सरकारले भारतिय राजदूत रणजित रायसंग सोधपुछ गर्ने भएको छ ।
मुख्य ३ दलको हिजो बसेको बैठकले प्रमुख सिमा नाकाहरुमा भारतले नेपाली मालवाहक ट्रकहरुमा गरेको कडाईका बारेमा राजदूत रायसंग सोेधपुछ गर्ने निर्णय गरेको थियो । त्यसै अनुरुप परराष्ट्र मन्त्रालयका अधिकारीहरुले आज राजदूत रायलाई बोलाउने तयारी गरेका छन ।
परराष्ट्रमन्त्री महेन्द्र बहादर पाण्डे राट्रसंघको महासभमा भाग लिन न्युर्वक जानुभएकाले मन्त्रालयका निमीत्त सचिवले रायसंग सोधपुछ गर्ने कार्यक्रम रहेको बताइएको छ ।
नेपालमा नया संविधान घोषणा भएपछि भारतले वक्तव्य नै निकाल्दै तराईमा जारी आन्दोलनका कारण मालवाहक सवारी साधन सहजरुपमा आवत जावत गर्न कठिनाई भइरहेको गुनासो आएको भन्दै नाकाबन्दी गर्ने चेतावनी दिएको थियो ।
नेपालमा त्यसको चर्को विरोध भएपछि भारतीय अधिकारीहरुले नाकाबन्दी गर्नेे योजना नभएको स्पष्टिकरण दिएका थिए ।
तर भारतीय सिमा सुरक्षा बलले माथिको आदेश भन्दै काकडभित्ता, सक्सौल, भैरहवा, नेपालगञ्ज नाकाहरुमा सुरक्षा जांचको बहानामा नेपाल छिर्ने अनुमति लिइसकेका सवारी साधनहरुलाई समेत रोकेर राखेको छ ।
