काठमाडौं, ७ असोज ।
नया संविधानमा असन्तुष्टी जनाउदै तराई मधेशमा जारी आन्दोलनका विषयमा छलफल गर्न प्रमुख ३ दलको बैठक अहिले बसिरहेको छ ।
प्रधानमन्त्री निवास बालुवाटारमा जारी बैठकमा आन्दोलनरत पक्षसंग गर्ने वार्ताको तयारीका बारेमा छलफल भइरहेको छ ।
नयाँ संविधानमा तिब्र असन्तुष्टि जनाउदै करिब डेढ महिनादेखि आन्दोलनमा उत्रिएको पक्षलाई वार्तामा ल्याउन ठोस प्रस्ताव निकाल्ने उदेश्यले प्रमुख ३ दल नेपाली काँग्रेस, नेकपा एमाले र एनेकपा माओवादीको बैठक बसेका हो ।
मधेशको समस्याका बारेमा भारतले देखाएको सक्रियतका साथै कुटनीतिक बृतमा उत्पन्न असमझदारीका विषयमा पनि बैठकमा छलफल हुने एक नेताले बताए ।
भारतले नेपालको संविधानप्रति तिब्र असन्तुष्टि जनाउदै आफ्नो सातबुदे प्रस्ताव अघि सारेको समाचार सार्वजनिक भएपछि शिर्ष नेताहरुले त्यसलाई गम्भिर रुपमा लिएको बताइएको छ ।
मुलुकको आन्तरिक मामलामा भारतले अनावश्यक चासो देखाएको भन्दै प्रमुख ३ दलले भारतीय राजदूतले पछिल्लो समय देखाएको सक्रियताका विषयमा पनि बैठकमा समिक्षा हुने भएको छ ।
स्रोतका अनुसार प्रमुख ३ दलको आजको बैठकले आन्दोलनरत पक्षलाई वार्तामा ल्याउन ठोस प्रस्ताव निकाली वार्तालागि आह्वान गर्ने सम्भावना छ ।
