चितवन, ६ असोज ।
अर्थमन्त्री डा रामशरण महतले धार्मिक पर्यटकीय क्षेत्रका रुपमा विकास हुँदै गएको गैँडाकोटमा रहेको मौला कालिका मन्दिर विकासका लागि सहयोग गर्न सरकार तयार रहेको बताउनुभएको छ ।
उहाँले प्रहरी र सर्वसाधारणको साझेदारीको नमुनाका रुपमा रहेको मन्दिर विभिन्न दाताको सहयोगमा निर्माण भएकामा खुसी व्यक्त गर्नुहँुदै प्रक्रिया पु¥याएर सहयोगका लागि आए सरकारले सहयोग गर्ने बताउनुभयो ।
मन्दिरको आज दर्शन र अवलोकनपश्चात् आयोजित अन्तक्र्रिया कार्यक्रममा बोल्दै मन्त्री महतले प्राकृतिक छटाले भरिपूर्ण कालिका मन्दिरको प्रचारप्रसारमा जोड दिएको खण्ड धार्मिक पर्यटन फष्टाउने बताउनुभयो ।
सो अवसरमा मन्त्री महतले मन्दिर परिसरको विभिन्न भौतिक पूर्वाधारको अवलोकन गर्नुभएको थियो । मन्दिर सञ्चालक समितिका सल्लाहकार एवम् पूर्व अतिरिक्त प्रहरी महानिरीक्षक ज्ञानेन्द्र विक्रम महतले धार्मिक पर्यटकीय क्षेत्रका रुपमा सूचीकृत मन्दिरको विकासको सहयोगका लागि आग्रह गर्नुभयो ।
कार्यक्रममा नेपाली सेनाका रथी बलदेव राज महतलगायतको उपस्थिति रहेको थियो ।
