काठमाण्डौ,६ असोज ।
म्याग्दीको उत्तरी कालिभेगमा कृषकलाई सुविधा उपलब्ध गराउने उद्देश्यले भेडापालन स्रोत केन्द्र स्थापना गरिने भएको छ ।
उत्तरी कालिगण्डकी करिडोर क्षेत्रमा रहेका २० जना कृषकलाई समावेश गरी स्रोत केन्द्र स्थापना गर्न लागिएको हो । जिल्ला पशु सेवा कार्यालयका वरिष्ठ पशु चिकित्सक दयाराम चापागाईंले स्रोत केन्द्रमा शिख, घारा, दाना, दोवा र भुरुङतातोपानी गाविसमा व्यावसायिक भेडापालन गर्दै आएका कृषकलाई आबद्ध गराइने बताउनुभयो ।
यस अगाडि नै त्यस क्षेत्रका कृषकलाई समूह गठन गरी एकीकृत गरिसकेकाले त्यही समूहलाई नै केन्द्रका रुपमा अगाडि बढाउने तयारी भइरहेको छ । केन्द्र स्थापनाका लागि मन्त्रालयबाट करिब ६ लाख रकम प्राप्त भइसकेकाले छिट्टै उक्त अभियानमा लाग्ने चापागाईंको भनाइ छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
