काठमाण्डौ,६ असोज ।
लिम्वूवान संयुक्त संघर्ष समितिको लिम्वूवान आमहडतालको आज चौथो दिन धरानका ब्यापारी मजदुरहरुले बन्दका् अबज्ञा गरेका छन ।
लामो बन्द हडतालले आर्जीत बनेका सर्बसाधारणले मुस्लीमहरुको महान चाड ईद आईरहेको तथा बन्दका कारण ब्यापार ब्यवसाय चौपट भएको भन्दै आज बिहानैदेखी उनीहरुले बन्द बिरुद्ध नारा लगाउदै बन्दको अबज्ञा गरेका हुन ।
ब्यापारी तथा मजदुरहरुले बिहानै बन्द बिरुद्ध नारा लगाउदै धरानको भानुचौकबाट सयौको संख्यामा धरानका बिभिन्न भाग परिक्रमा गरि बन्द बजार खोल्न आग्रह गरेका हुन । उनीहरुले धरानको भानुचौक ,छाता, पुरानो बजार,माछाभौडी लगायतका ठाउ“ ठाउ“ पुगी बन्द पसल खोल्न लगाएका थिए ।
बन्दले दिनानुदिन जनता सास्ती खेप्नु परिरहेको भन्दै बन्द खुलाउन बन्दका बिरुद्ध आन्दोलनमा उत्रिएको नेपाल कपडा सिलाई ब्यवसाय संघका केन्द्रीय सदस्य मोहमद फिरोज अलिले बताउनुभयो ।
