काठमाडौं, ६ असोज ।
मुलुकमा देखिएको पछिल्लो राजनीतिक अवस्थाका कारण प्रधानमन्त्री सुशील कोइरालाको आज हुने भनिएको अमेरिका भ्रमण रद्ध भएकोछ ।
भर्खरै जारी गरिएको संविधानलाई नमान्ने भन्दै आन्दोलनरत मधेशी दलले आन्दोलन कायमै राखेको तथा सोहि विषयलाई निहुँ बनाएर भारतले नेपालविरुद्ध नाकाबन्दी गर्नेसम्मका खबर सार्वजनीक भएपछि प्रधानमन्त्रीको न्यूयोर्क भ्रमण रद्ध भएको हो ।
प्रधानमन्त्री कार्यालयका अनुसार भ्रमण रद्ध भएको आधिकारिक निर्णय भने मन्त्री परिषदको बैठकले गर्नेछ ।
मुलुकको स्थिती गम्भीर रहेको भन्दै प्रधानमन्त्री कोइरालालाई राष्ट्रसंघको सभामा नजान चौतर्फी दबाव परेको थियो ।
हिजो प्रधानमन्त्री निवास बालुवाटारमा बसेको ३ दलको बैठकले समेत प्रधानमन्त्री कोइरालालाई न्युओर्क भ्रमणमा नजान सुझाव दिएको थियो ।
यसअघि १८ सदस्सीय नेपाली प्रतिनीधि मण्डलको नेतृत्व गर्दै संयुक्त राष्ट्रसंघको ७० औं महासभामा भाग लिन प्रधानमन्त्री आज न्युयोर्क प्रस्थान गर्ने पूर्व निर्धा्रित कार्यक्रम थियो ।
