काठमाडौं, ५ असोज ।
नेकपा एमालेका स्थायी समिति सदस्य शंकर पोखरेलले नयाँ संविधान घोषणासँगै मुलुक नयाँ युगमा प्रवेश गरेको बताउनु भएको छ ।
कास्की क्षेत्र नं ३ का एमाले सभासद् रवीन्द्र अधिकारीले संविधान घोषणा भएको उपलक्ष्यमा आज पोखराको सभागृहमा आयोजना गर्नुभएको चियापान कार्यक्रम सम्बोधन गर्दै नेता पोखरेलले अब देशको आर्थिक र सामाजिक रुपान्तरण राजनीतिक दलको एजेन्डा बन्नुपर्नेमा जोड दिनुभयो ।
उहाले अधिकारको लडाइँ धेरै समय लडेकाले अब देशको समृद्धितर्पm लाग्न सबैसँग आग्रह समेत गर्नु भएको छ । असहमतिका बुँदालाई वार्ता र छलफलबाटै समाधान खोज्न सकिने धारणा राख्दै उहाँले अब नेपाली जनता सार्वभौमसत्ता सम्पन्न भएकोमा खुसी व्यक्त गर्नुभयो ।
मधेसी समुदायले विगतको तुलनामा हक र अधिकार बढी नै पाएको उल्लेख गर्दै नेता पोखरेलले अब समस्याको समाधान संविधानभित्रबाटै खोज्नुपर्ने धारणा राख्नुभयो ।
