काठमाडौं, ४ असोज ।
एकीकृत नेकपा माओवादीका अध्यक्ष पुष्पकमल दाहालले संविधानसभा, गणतन्त्र र संविधानसभाको प्रक्रियाबाट असन्तुष्ट पक्षबाट चुनौतीहरु आउन सक्ने भन्दै संविधानको कार्यान्वयनका लागि राष्ट्रिय शक्तिहरुबीच एकता आवश्यक भएको बताउनु भएको छ ।
आमसभामा अध्यक्ष दाहालले मधेसी, थारु र जनजातिका जायज मागका लागि लागिरहने प्रतिबद्धता जनाउँदै वार्ताका लागि आह्वान गर्नुभयो ।
अध्यक्ष दाहालले हाम्रो स्वतन्त्रतालाई सम्मान गर्नेहरुले मात्रै आफ्नो स्वतन्त्रता सुदृढ गर्न सक्छन् भन्दै भारत र चीनले नेपालको स्वतन्त्रता र स्वाभिमानको सम्मान गर्ने बताउनु भयो ।
उहाले आफूहरु छिमेकीको मित्र हुन चाहेको भन्दै जे भन्यो त्यो मान्ने छिमेकी बन्न नचाहेको स्पस्ट पनि स्पष्ट पार्नु भयो ।
अध्यक्ष दाहालले राजा महाराजाले बनाएको आयोगमार्फत् संविधान जारी गर्ने युगको अन्त्य भइ जनताले संविधान बनाउने येगको सुरुआत भएको पनि समेत तर्क गर्नु भएको छ ।
