बाजुरा ४ असोज
आफ्नै छात्रा माथि बलात्कार गर्ने बागेश्वरी मावि रुगीन बाजुराका प्रध्यानाध्यापक कृष्ण बहादुर नेपालीलाई जिल्ला प्रहरी कार्यालय बाजुराले पक्राउ गरेको छ ।
बागेश्वरी माबि कक्षा ८ मा अध्यनरत १४ बर्षिय नाबालीका छात्रा लाई टिउसन पढाउने नाममा भाद्र २८ गते आफ्नै कोठामा बोलाई बलात्कार गरेको पिडितका आफन्तले बताएका छन ।
पिडीत पक्षको जाहेरीका आधारमा निज नेपालीलाई पक्राउ गरि थुनामा राखि अनुसन्धान भइरहेको जिल्ला प्रहरी कार्यालय बाजुराका प्रमुख श्याम प्रसाद पौडेलले जानकारी दिनुभयो ।
जबरजस्ती करणी गर्ने पिडकहरुलाई ५ बर्ष देखि १५ बर्ष सम्म कैद हुने कानुनी ब्यबस्था रहेको छ । कुल्देबमाण्डौ २ देनसायल घर भएका कृष्ण बहादुर नेपालीले ब्रहम्तोला ५ बजेडीमा समेत एक जना छात्रालाई जबरजस्ती करणी गरेकाले बिद्यालयबाट हटाइएको ब्रहमतोला ५ का मनिराम जोशीले बताए ।
जिल्लामा जवरस्ती करणी हुने गरेका घटनाहरु भएपनि सामाजिक कारणले घटना कमै मात्र खुल्ने गरेको बताएको छ ।
