काठमाडौ ४ असोज ।
ओयामा रनिङ फुटसल कप २०१५ को उपाधि हाइजिमा युथ क्लबले हात पारेको छ ।
जापानको तोचिकेनमा हिजो सम्पन्न खेलमा टोकियो ब्रदर्श क्लब (नेवारी किचेन) लाई २-० गोल अन्तरले पराजित गर्दै हाइजिमा उपाधि हात पार्न सफल भएको हो ।
हाइजिमाका लागि राजु श्रेष्ठ र धिरज श्रेष्ठले एक एक गोल गरेका थिए । दुवै गोल खेलको दोस्रो हाफमा सम्भव भएको थियो । टोकियो ब्रदर्शका तर्फबाट कुनै गोल हुन सकेन ।
प्रतियोगिताको विजेता टोलीले नगद दुई लाख ५० हजार जापानी येन र ट्रफी पाएको छ भने उपविजेता टोलीले नगद एक लाख येन तथा ट्रफी जितेको छ ।
नेवारी किचेनको आयोजनामा भएको प्रतियोगितामा जापानका विभिन्न स्थानका कुल २० टोलीको सहभागीता रहेको थियो ।
प्रतियोगितामा हाइजिमाका निरन्जय थोकर बेष्ट किप्पर घोषित भए । उनले नगद ३० हजार जापानी येन हात पारेका छन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
