काठमाडौं, ४ असोज ।
संविधानको विरोधमा ३३ दलीय मोर्चासहित विभिन्न चार शक्तिले आज विरोध प्रदर्शन स्वरुप र्याली निकाल्ने भएका छन ।
संघिय समाजवादी फोरम नेपालको संघिय गठबन्धन, नेकपा माओवादी सहित ३३ दलीय मोर्चा, संयुक्त मधेशी नागरिक अभियान, राष्ट्रिय दलीत मुक्ति आन्दोलनले सयुक्त रुपमा कालो पट्टी र कालो झण्डा सहित बृहत प्रदर्शन गर्ने संघिय समाजवादी फोरम नेपालको संघिय नेपालका सहअध्यक्ष राजेन्द्र श्रेष्ठले बताउनु भयो ।
अपराह्न ३ बजे सुन्धारा सहित राजधानिको विभिन्न स्थानबाट सयुक्त रुपमा र्याली निकालीने सहअध्यक्ष श्रेष्ठको भनाई छ । प्रमुख ३ दलले हिजो भव्य समारोहकाबीच नेपालको संविधान २०७२ घोषणा गरेका थिए ।
उक्त संविधान जन विरोधी रहेको भन्दै विप्लव नेतृत्वको नेकपा माओवादीले समेत सडकबाटै जनसंविधान घोषणा गरेको थियो भने, बैद्य माओवादी सहितको ३३ दलीय गठबन्धन, मधेशवादी दल र थारुवान थरुहट संयुक्त संर्घष समितिले पनि लामो समयदेखि आन्दोलन गर्दै आएका छन ।
