सप्तरी, ३ असोज ।
सप्तरीका पत्रकारहरुले आज जारी हुने संविधान, २०७२ मा आदिवासी जनजातिलगायत मधेसी पत्रकारलाई पूर्ण प्रेस स्वतन्त्रता सुनिश्चित नगरेको भन्दै आज राजविराजमा मौन जुलुसको आयोजना गरेका छन् ।
मानव अधिकारकर्मीसहित एक दर्जन पत्रकारहरुको सङ्घसंस्थाले आज हातमा कालोपट्टी बाँधेर मौन जुलुस निकालेको हो ।
मधेसी पत्रकार सङ्घ, राष्ट्रिय मिडिया पत्रकार सञ्जाल, मधेसी पत्रकार समाज नेपाल, मैथिली पत्रकार परिषद्, नेपाल प्रेस युनियन र आदिवासी जनजाति पत्रकारको संयुक्त रुपमा मौन जुलुसमा सहभागिता रहेको थियो ।
राजविराजको शिव मन्दिरबाट निकालिएको मौन जुलुस नगरको विभिन्न भागको परिक्रमा गरी जनआन्दोलन चोकमा गएर सम्पन्न भएको थियो ।
¥यालीमा संविधानमा ‘पूर्ण प्रेस स्वतन्त्रताको संवैधानिक सुनिश्चितता नगरेको भन्दै हातमा कालोपट्टी बाँधेर विरोध गरेको बताइएको छ ।
यसैबीच आज जारी हुने संविधानको मध्यनजर गर्दै सप्तरी प्रशासनले सुरक्षा सतर्कता बढाएको छ । सदरमुकाम राजविराजलगायत जिल्लाको ग्रामीण भेगमा पनि सुरक्षामा कडाइ गरिएको प्रमुख जिल्ला अधिकारी वीरेन्द्र यादवले जानकारी गराउनुुभयो ।
