काठमाडौ २ असोज । रेडबुल राष्ट्रिय लिग फुटबलमा आज लुम्बिनी फुटबल क्लव र झापा ११ बीच प्रतिस्पर्धा हुदैछ । खेल अपरान्न साँढे ३ बजे झापाको विर्तामोड स्थित डमला रंगाशालामा हुनेछ ।
यसअघि हिजो भएको खेलमा थ्रीस्टार र मनाङ–मस्र्याङ्दी क्लब १–१ बराबरीमा रोएिको छ ।
सातदोबाटोस्थित एन्फा कम्प्लेक्समा भएको खेलमा थ्रीस्टारका लागि ९ औं मिनेटमा गोल गर्दै जगजित श्रेष्ठले प्रारम्भिक अग्रता दिलाएका थिए ।
३५औं मिनेटमा सुजल श्रेष्ठको गोलबाट मनाङले खेल बराबरीमा ल्यायो । त्यसपछि दुवै टोलीबाट गोल हुन सकेन । यो सँगै अंक तालिकामा ९ खेलबाट १७ अंकसहित झापा–११ शीर्ष स्थानमा छ भने ८ खेलबाट १५ थ्रीस्टार अंकसहित दोस्रो स्थानमा कायमै छ ।
यस्तै, त्रिभुवन आर्मी र सशस्त्र प्रहरी ८ खेलबाट समान १४ अंकसहित क्रमशः तेस्रो र चौथो स्थानमा छन् । पाँचौं स्थानको मनाङको ८ खेलबाट १३ अंक भएको छ ।
