काठमाडौं, १ असोज
ठमेलस्थित कर्मचारी संचय कोष नजिक साउन २१ गते भएको लुटपाटमा संलग्न २ जनालाई महानगरीय अपराध महाशाखाले काठमाडौं ठमेलबाट पक्राउ गरेको छ । पक्राउ पर्नेहरुमा काठमाडौं सोह्रखुट्टे बस्ने मोरङ हसनदह गाविस–१ का २५ वर्षीय बिनोद चौधरी र काठमाडौं गल्कोपाखा बस्ने काभ्रे बालुवापाटी गाविस–२ का १८ वर्षीय सागर ढकाल रहेका छन् । उनीहरुबाट २ थान सामसुङ मोबाइल र १ थान १ तोला २ लालको सुनको औंठी प्रहरीले बरामद गरेको छ ।
काठमाडौं धापासी बस्ने अर्घाखााची चिदिका–८ का राजेन्ऽ ज्ञवालीलाई उनीहरुले कुटपिट गरी नगद ४ हजार ५ सय रुपैयाा, १ थान सामसुङ ग्यालेक्सी नोटथ्री मोवाईल सेट, १ थान सवारीचालक अनुमतीपत्र, १ थान ब्लुबुक, १ थान एटीएम कार्डसहितको मनिपर्स, १ थान २ तोला ४२ लालको सुनको सिक्रीसमेतको धनमाल लुटपाट गरी फरार भएका थिए ।
उनीहरुलाई प्रारम्भिक अनुसन्धान पश्चात आवश्यक कानुनी कारबाहीको लागि महाशाखाले महानगरीय प्रहरी परिसर काठमाडौं पठाएको छ ।
