काठमाडौँ, १ असोज ।
प्रमुख तीन दल र विजयी गच्छादार नेतृत्वको मधेसी जनअधिकार फोरम लोकतान्त्रिक बीच आज पनि छलफल हुदैछ ।
संविधान निर्माण प्रक्रियामा असन्तसष्टी जनाउदै संविधान सभाबाट बाहिरिएको सो पार्टीलाई संविधानसभामा पुनः फर्काउने पहल स्वरुप छलफल सुरु भएको हो ।
यसअघि हिजो भएको छलफल बिना निष्कर्ष टुङ्गिएको थियो । बालुवाटार स्थित प्रधानमन्त्री निवासमा हिजो राति अबेरसम्म छलफल भएपनि कुनै निष्कर्षमा पुग्न सकेन ।
समानुपातिक समावेशिता लगायत सीमाङ्कनका विषयमा देखिएको विवादलाई सङ्घीय आयोग मार्फत टुङ्ग्याउने, तथा हाल कायम रहेका ७५ जिल्लालाई एक एक निर्वाचन क्षेत्र मान्ने विषयमा छलफल भएपनि निष्कर्षमा भने पुग्न नसकेको एमाले उपाध्यक्ष भीम रावलले जानकारी दिनुभयो ।
यस विषयमा आज थप छलफल गरी निष्कर्षमा पुगिने बताइएको छ । फोरम लोकतान्त्रिककले प्रदेशको सीमाङ्कन, समाुनपातिक समावेशिता लगायतका विषयमा असन्तुष्टि जनाउदै आएको छ ।
