काठमाण्डौ,३१ भदौ ।
गत बैशाख १२ गतेको बिनासकारी भूकम्पबाट तनहुँमा पूर्ण र आंशिक रुपमा घर क्षति भई पीडित बनेका एक हजार ६ जना नेपाली सैनिकलाई तीन करोड ५४ लाख पाँच हजार रुपैयाँ राहत रकम वितरण गरिएको छ ।
व्यास–८ चापाघाटस्थित रामवाण गुल्मले भूतपूर्व र बहालवाला नेपाली सेनाका ती व्यक्तिलाई उक्त रकम राहत वितरण गरेको हो । पूर्ण रुपमा घर क्षतिग्रस्त भएका चार सय १२ र आंशिक रुपमा क्षति भएका पाँच सय ९४ जना सैनिकलाई उक्त राहत रकम वितरण गरिएको गुल्मपति सेनानी दुर्गाबहादुर थापाले जानकारी दिनुभयो ।
सैनिक कल्याणकारी कोषबाट प्राप्त भएको राहत रकम भूकम्प पीडित सैनिकलाई वितरण गरिएको हो । पहिलो चरणमा उनीहरुलाई चार करोड पाँच लाख २५ हजार रुपैयाँ वितरण गरिने गुल्मपति थापाले बताउनुभयोे । भूकम्प पीडित ती सैनिकलाई एनआइसी बैंकको चेक दिने गरिएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
