काठमाडौ ३० भदौ । डेनमार्कका राजकुमार फ्रेडरिक भोली नेपाल आउनुहुने भएको छ ।
भूकम्पपछिको नेपालको अवस्था बुझ्न डेनिस राजकुमार नेपाल आउन लाग्नु भएको परराष्ट्र मन्त्रालयले जनाएको छ ।
गत वैशाख १२ को भूकम्पपछिको अवस्था अवलोकन गर्न पश्चिम मुलुकबाट नेपाल आउने डेनिस राजकुमार फ्रेडरिक नै पहिलो उच्च ओहदाका व्यक्ति हुनुहुन्छ । डेनिस रेडक्रसको निमन्त्रणामा उहाँ चार दिने अनौपचारिक भ्रमणका लागि नेपाल आउन लाग्नु भएको हो ।
उहाले उपत्यका बाहिर भूकम्प प्रभावित विभिन्न जिल्लाको भ्रमण गर्नुका साथै लमजुङका भूकम्प पिडितका लागि रेडक्रसले सन्चालन गरेको परियोजनाको पनि अवलोकन गर्नुहुने कार्यक्रम तय भएको छ ।
राजकुमार फ्रडरिकको भ्रमणका क्रममा कुनै द्धिपक्षीय तथा राजनितिक मुद्धाका विषयमा छलफल नहुने परराष्ट्र मन्त्रालय स्रोतले जनाएको छ ।
डेनमार्कले नेपालको शान्तिप्रक्रिया र विकास परियोजनामा महत्वपूर्ण सहयोग पुर्याएका कारण उहाको भ्रमण अनौपचारिक भएपनि सरकारले महत्व दिएको छ ।
