काठमाण्डौ,२९ भदौ ।
नवलपरासीका अधिकांश सरकारी स्वास्थ्य संस्थामा औषधिको अभाव भएको छ । सरकारले निःशुल्क रुपमा वितरण गर्ने भनेका विभिन्न औषधिको अभाव भएको हो ।
सामान्य सिटामोलदेखि खोप, गर्भवती महिलाका लागि आवश्यक आइरन चक्कीसहित अधिकांश औषधिको अभाव भएको स्वास्थ्य संस्थाले जनाएका छन । करिब ३५ दिनको लगातार बन्दका कारण यातायात चल्न नसक्दा ती स्वास्थ्य संस्थामा औषधि पु¥याउन नसकिएको जिल्ला जनस्वास्थ्य कार्यालयले जनाएको छ ।
यसरी स्वास्थ्य संस्थामा औषधि अभाव भएपछि स्वास्थ्य संस्थामा उपचार सेवा लिन आएका सेवाग्राही औषधि पाउनबाट वञ्चित हुन पुगेका छन । बन्दका कारण औषधि आपूर्ति हुन नसकेर अधिकांश स्वास्थ्य संस्थामा औषधिको अभाव भएको जिल्ला स्वास्थ्य प्रमुख जयबहादुर कार्कीले बताउनुभयो ।
जिल्लामा एक जिल्ला अस्पताल, पाँच प्राथमिक स्वास्थ्य केन्द्र र ७१ वटा स्वास्थ्य चौकी रहेका छन ।
