काठमाण्डौ,२८ भदौ ।
नागरिक लगानी कोषले आफूले सञ्चालन गर्दै आएको कर्मचारी बचत वृद्वि स्वीकृत अवकाश कोषका सहभागीलाई थप सेवा प्रवाह गर्ने उद्देश्यले सन्धाकालीन सेवा सञ्चालन गरेको छ ।
कोषले आज विज्ञप्तिमार्फत हालसम्म आइतबारदेखि बिहीबारसम्म कोषमा आबद्ध सेवाग्राहीले बिहान १० बजेदेखि अपराह्न १ बजेसम्म राजीनामा÷अवकाशसम्बधी भुक्तानी र सापटी फाराम दर्ता गर्ने गरेकामा अब अपराह्न ४ बजेसम्म दर्ता गर्ने व्यवस्था मिलाइएको जनाएको छ ।
त्यसैगरी शुक्रबार अपराह्न २ बजेसम्म राजीनामा÷अवकाश÷भुक्तानी तथा सापटी भुक्तानीको फाराम दर्ता गर्ने गरिएकामा अब अपराह्न ४ बजेसम्म गरिने व्यवस्था कोषका सूचना अधिकृत उद्धव सिलवालद्वारा जारी विज्ञप्तिमा उल्लेख छ ।
साथै भुक्तानीको हकमा फाराम दर्ता गरेकै दिनमा कोषले आइतबारदेखि बिहीबार ६ बजेसम्म तथा शुक्रबार अपराह्न ४ बजेसम्म राजीनामा÷अवकाश तथा सापटीको भुक्तानीको व्यवस्था मिलाएको छ । सो सेवा सञ्चालन भएपछि करिब एक लाख ६६ हजार सेवाग्राहीले सुविधा पाउने कोषले अपेक्षा गरेको छ ।
