काठमाण्डौ, २८ भदौ ।
नयाँ संविधान जारी गर्नका लागि संविधानसभामा आज पनि बिहानदेखि नै मतदान जारी छ ।
बिहान ११ बजे शुरु बैठकमा विभिन्न संशोधन प्रस्तावलाई अस्वीकृत गर्दै संविधानका विभिन्न धाराहरु पारित गरिएका छन् । आइतबार तीनवटा धाराहरु पारित भएका थिए ।
आज राति अबेरसम्म बैठक बसाएर भए पनि संविधानका सबै धाराहरु पारित गर्ने योजना छ । सबै धारा पारित भइसकेपछि यही विधेयक संविधानको रुपमा पारित हुनेछ ।
संविधानसभाका करिब नब्बे प्रतिशत सभासद् प्रकियाको पक्षमा छन् । सभाको अत्यधिक बहुमत अहिले संविधान जारी गर्नुपर्ने पक्षमा देखिएपछि मतदान शुरु भएको हो ।
राप्रपा नेपाल पनि प्रक्रियामा सहभागी भएपछि संविधानसभामा ५४० सभासद् संविधान जारी गर्ने प्रकियाका पक्षमा छन् ।
। सबै धारा पारित गरिसकेपछि संविधानको विधेयकलाई अन्तिम अवस्थामा अनुमोदन गर्नका लागि मात्रै दुईतिहाई बहुमत अनिवार्य हुने प्रावधान छ ।
