काठमाडौं, २७ भदौ ।
कालीकोटमा बम विस्पोटमा परि दुई जनाको ज्यान गएको छ ।
मेहेलमुडि २ उजेलगाउँमा सनिबार दिउसो जंगलमा भेटिएको वेवारिसे बम लिएर खेलाउने क्रममा २ जना वालकको ज्यान गएको त्यहाका स्थानीयले बताएका छन ।
मृत्यु हुनेहरुमा स्थानीय पदम नाथका छोरा कक्षा ९ मा अध्यनरत १४ बर्षिय सनत नाथयोगी र हरिनाथका १३ बर्षिय छोरा माने नाथ योगी रहेका छन । समाचार श्रोतका अनुसार दुवै जना श्री पन्चदेवल उच्च माध्यमिक बिद्यालयमा अध्यनरत रहेको बताइएको छ ।
यो घटनाबारे जनकारी लिदा जिल्ला प्रहरी कार्यालय कालीकोट, जिल्ला प्रसाशन कार्यालय कालीकोट र इलाका प्रहरी कार्यालय मुम्राले भने आफुलाई कुनै जानकारी नभएको बताएको छ । यो जानकारी पछि मुम्राबाट प्रहरी परिचालन गरिएको कालिकोटका प्रमुख जिल्ला अधिकारी प्रदीप श्रेष्ठले बताए ।
कालीकोट सदरमुकाम मान्म देखि ४ घण्टाको पैदलदुरिमा रहेको मेहेलमुडीमा आज टेलीफोन सेवा समेत अबरुद्ध भएकाले जानकारी लिन असहज भएको इलाका प्रहरी कार्यालय मुम्राले जनाएको छ । गाउलेको सहयोगमा मृतकको सनिबार बेलुकानै दाहासस्कार गरिएको स्थानीयले जनाएका छन् ।
