बिर्तामोड भदौ २६। बामपन्थी एकता मञ्च नेपालको बिस्तारित भेला बिर्तामोडमा शनिबार सम्पन्न भएको छ । बामपन्थी एकता मञ्च नेपालका अध्यक्ष यज्ञराज प्रसाईको अध्यक्षतामा सम्पन्न भेलाले आगामी कार्यक्रमका बारेमा प्रशिक्षण कार्यक्रम सम्पन्न गरेको हो ।
पशिक्षण भेलामा बामपन्थी एकता मञ्च नेपालको संगठन ब्यापकरुपमा बिस्तार गर्ने, सबै बामपन्थी, राष्ट्रबादी शक्तिसँग छलफल गरी राष्ट्रिय समस्यामा एकताबद्ध हुने, अन्यत्र छरिएर रहेका बामपन्थीहरुसँग एकता र ध्रुबिकरण गर्न निरन्तर छलफल गर्ने, जातीय, सद्भाव कायम राख्न सबैमा आग्रह गर्ने लगायतका बिषयमा छलफल भएको थियो । भेलामा एमाओबादी छाड्नुका कारणहरुका बिषयमा समेत आ–आफ्ना धारणा राखिएको थिए । सूर्य उप्रेतीको सञ्चालनमा भएको कार्यक्रममा भोजराज दाहाल, देशु सुब्बा, नरेन्द्र अधिकारी, कृष्ण बिमली लगायतले बोलेको कार्यक्रममा दुईसय जना कार्यकर्ता उपस्थित रहेको मञ्चका जगनाथ भट्टराईले जानकारी दिए ।
