काठमाडौ २५ भदौ । छैटौं पटकको अनशन तोडेको एक साता बित्न नपाउदै त्रिवि शिक्षण अस्पतालका बरिष्ठ हाडजोर्नी डा. गोविन्द केसी आजबाट पुनः अनशनमा बस्नुहुने भएको छ ।
आफूसँग भएको सम्झौता कार्यन्वयनमा सरकार उदासिन देखिएको तथा यसअघिको अनशनका क्रममा भएको सम्झौता विपरित सरकारले चिकित्सा शिक्षा आयोग गठन नगरेको भन्दै डा केसी आजबाट पुनः अनशनमा बस्न लाग्नु भएको हो ।
सरकार र डा केसीबीच छौटौ पटकको अनशनका क्रममा मन्त्रीपरिषदको पहिलो बैठकबाट आयोग गठन गर्ने र सम्झौता भएका विषयलाई सम्बन्धित निकायमा कार्यन्वयनका लागि तत्काल निर्देशन दिने सहमति भएको थियो ।
आयोग गठन लगायतका विषयलाई मन्त्रीपरिषदबाट पारित गर्नुको साटो सामाजिक समितिमा अध्ययनका लागि पठाएर ३ करोड नेपालीको मर्ममाथि खेलवाड गरेकाले पुनः अनशन बस्नुको विकल्प नभएको डा केसीले बताउनु भयो ।
१४ दिन लामो आमरण अनशनपछि सरकारले गत शनिबार गरेको ११ बुँदे सम्झौताको प्रमुख बुँदा ४८ घण्टा बित्न नपाउदै उल्लंघन भएपछि उहाले माग पूरा गर्न हिजोसम्मको अल्टिमेटम दिनु भएको थियो । डा. केसी आज अपरान्न ३ बजेबाट अनशनमा बस्नु हुने बताइएको छ ।
