वीरगन्ज, २३ भदौ । जिल्ला प्रशासन कार्यालय पर्साले वीरगन्ज नगर क्षेत्रमा लगाएको निषेधाज्ञाको समय घटाउन थालेपछि यहा“को जनजीवन क्रमशः सामान्य बन्दै गएको छ ।

निषेधाज्ञाको समय घटाएसँगै वीरगन्ज बजारमा सर्वसाधारणको चहलपहल बढेको छ । स्थानीय प्रशासनले वीरगन्जमा आज अपराह्न ४ बजेदेखि ७ बजेसम्मका लागि निषेधाज्ञा फुकुवा गरेको पर्साका प्रमुख जिल्ला अधिकारी केशवराज घिमिरेले बताउनुभयो । यसअघि पनि स्थानीय प्रशासनले बिहान ९ बजेदेखि अपराह्न १ बजेसम्मका लागि निषेधाज्ञा फुकुवा गरेको थियो ।

त्यस्तै मङ्गलबार पनि स्थानीय प्रशासनले वीरगन्जमा बिहान ९ बजेदेखि अपराह्न १ बजेसम्म र अपराह्न ४ बजेदेखि सा“झ ७ बजेसम्मका लागि निषेधाज्ञा फुकुवा गरको थियो । निषेधाज्ञा फुकुवा भएको समयमा खाद्यान्नलगायत आवश्यक घरायसी सामग्री किनमेल गर्नेको घुइँचो बजारमा देखिन्थ्यो ।