काठमाडौ २३ भदौ ।
गत भदौ सात गते आठ जना सुरक्षाकर्मीको ज्यान जाने गरी हिंसात्मक घटना भएपछि दंगाग्रस्त क्षेत्र घोषणा गर्दै कैलालीको टीकापुरमा स्थानीय प्रशासनले लगाएको कर्फ्यु अझै जारी छ ।
लामो समयदेखिको कर्फ्युले स्थानीयको जनजीवन अति कष्टकर बन्दै गएको छ । दैनिक ज्याला मजदुरी गरेर खानेहरु बढी मारमा परेका छन् । स्थानीय प्रशासनले विहान ६ बजेदेखि ११ बजेसम्म कर्फ्यु खुला गरेपनि पूर्ण रुपमा हट्न नसक्दा जनजीवन सहज बन्न सकेको छैन ।
उता धनगढीमा पनि लामो समयदेखिको कर्फ्यु केही खुकुलो बनाएपनि पनि कायमै छ । धनगढीमा आज पनि मध्यान्ह १२ बजेदेखि ३ बजेसम्म कर्फ्यु जारी आदेश जारी गरेको छ ।
कर्फ्यु खुकुलो भएसँगै शैक्षिक संस्था, बजार र यातायात सञ्चालनमा आए पनि जनजीवन अझै सामान्य हुन सकेको छैन । सहज रुपमा आपूर्ति हुन नसक्दा खाद्यन्न लगायत दैनिक उपभोग्य बस्तुको अभाव भएको छ भने भएका सामानमा पनि कालोबजारी बढेको छ ।
