काठमाडौ २२ भदौ ।
पछिल्ला ९ महिना यता नेपाल सरकारले विभिन्न ३७ देशका एक सय ५४ जना विदेशी नागरिकलाई निष्कासित गरेको छ । विभिन्न अवैधानिक गतिविधि गरेको भन्दै निष्कासन गरिएकाहरुमा धेरैजसो पर्यटक भिसामा आएका विदेशी रहेका छन् ।
केही बिजनेस भिसामा आएकालाई पनि अवैध गतिविधिमा संलग्न भएको पाएपछि किष्कासन गरिएको छ । नेपालबाट निष्कासन हुनेमा सबै भन्दा बढी चिनियाँ नागरिक रहेको अध्यागमन विभागले जनाएका छन् ।
यस्तै निष्कासित हुनेमा अमेरिका, जापान, उज्वेकिस्तान, अस्ट्रेलिया, बेलायत र फ्रान्सका नागरिकहरु रहेका छन् । विभागका अनुसार पछिल्ला नौ महिनामा ५८ चिनियाँ, १४ अमेरिकी, आठ जापानी, आठ उज्वेकिस्तानी, सात अस्ट्रेलियन, सात बेलायती र पाँच जना प्रोन्च नागरिक रहेका छन् ।
यस्तै वर्षैसम्म अवैध रुपमा बस्दै आएका, वन्यजन्तुको कारोबारमा संलग्न तथा विदेशमा अपराध गरेर नेपालमा लुक्न आएका समेत निष्कासनमा परेको विभागले जनाएको छ ।
