काठमाडौं, २० भदौ ।
कैलालीमा एक महिनादेखि बन्द रहेका विद्यालय आजबाट संचालनमा आएको छन ।
जिल्ला प्रशासन कार्यालय कैलालीमा हिजो बसेको सर्वपक्षीय बैठकपछि आन्दोलनकारी पक्षसमेत बिद्यालय खोल्न सहमत भएकाले आजबाट विद्यालयहरु संचालनमा आएका हुन ।
स्थानीय प्रशासन, आन्दोलनरत पक्ष, बिद्यार्थी संगठन र दलहरुबीच विद्यालय खोल्ने पक्षमा हिजो वार्ता भएको थियो ।
थरुहट र अखण्ड सुदूरपश्चिम पक्षधर आन्दोलनमा उत्रिएपछि कैलालीमा ३३ दिनयता विद्यालय ठप्प रहेका थिए । विद्यार्थीहरुको पढाईलाई मद्यनजर गर्दै विद्यालयहरु खनेलिएको बताइएको छ ।
यसैबीच कैलालीको धनगढीमा स्थानीय प्रशासनले कर्फ्युको समय थप एक घण्टा घटाएको छ । धनगढीमा दिउँसो १२ बजेदेखि ३ बजेसम्म मात्र कफ्र्यू लाग्ने छ ।
त्यस्तै टीकापुरमा विहान ७ बजेदेखि ११ बजेसम्म कर्फ्यु खुला गरिएको छ । स्थानीय प्रशासनले हिजो टीकापुरमा २४ घण्टे कर्फ्यु लगाएको थियो ।
