काठमाडौं, १८ भदौ ।
छैटौं अन्तराष्ट्रिय व्यापार मेला आजदेखि भुटानको राजधानी थिम्पमा सुरु भएको छ ।
पाँच दिनसम्म चल्ने मेलामा नेपाल सहित भारत, भुटान, बंलादेश, ताइवान, भियतनाम र थाइल्याण्डको सहभागिता रहेको छ ।
मेलामा सबैभन्दा बढि भारतका ७४ वटा स्टल रहेका छन भने त्यपछि नेपालका ६९ वटा स्टलहरु रहेको आयोजकले जनाएको छ ।
ललितपुर चेम्बर अफ कर्मसका अध्यक्ष अजरमान जोशीका अनुसार नेपालका तर्फबाट मेलामा हस्तकला, धातुकला, प्रस्तरकला, मुर्तिकला तयारी पोसाक, पस्मिना ज्वेलरी, ट्रान्सफरर्मर, विजुलीका पोल, आयुर्वेदिक औषधि लगाएतका वस्तुहरु प्रदर्शनीमा राखिएका छन ।
भुटानले नेपालका वस्तुहरुलाई रुचाउने गरेकाले पनि यो वस्तु प्रदर्शनीको उत्कृष्ट अवसर भएको जोशीले बताउनु भयो । उक्त मेलामा नेपालको यो छैटौं पटकको सहभागिता हो । यसअघि पहिलो पटक आयोजित मेलामा नेपालले २० ओटा स्टल मात्र राखेकोमा अहिले बढाएर ६९ पु¥याएको हो ।
