मोरंग १६ भदौ /
नेपाली महिलाहरुबीच हरितालिका तीजको विशेष महत्व छ । यसपालि पनि हरितालिका तीज नजिकिएसंगै पूर्वेली गायीकाहरु पनि गीत गाउदै भिडियो तयार पारेर बजारमा ल्याउन लागि परेका छन् ।
मोफसलको तीज गीतमा फरक प्रस्तुति लिएर उदाएकी छिन् पूर्वेली गायिका सुनिता कटुवाल । सुनिताले तीज गीत गायनको यात्रा यो बर्षबाट मात्र सुरु गरेपनि उनले यो देश मेरो मुटु बोलको राष्ट्रिय गीत साथै आइटम गीत गाइसकेकी छिन् ।
सञ्चारकर्मी स्वस्तिका पोखरेलको शब्द, बरिष्ठ बाासुरी बादक, गायक तथा संगीतकार बलराम समालको संगीतमा गायीका सुनिता कटुवालले स्वर भरेकि छन् ।
उनले ल्याएको तीजको गीत मोफसलमा यसअघि उत्पादन भएका भन्दा फरक खालको छ ।तीज गीतमा फरकपन खोज्ने श्रोता दर्सकहरुले उनको गीत रुचाउने उनले आसा लिएकी छिन् ।
उनले गाएको हरेक साल महादेव बोलको गीतको भिडियो सुनसरीका पर्यटकिय क्षेत्रमा छायांकन गरीएको छ । धरानको पिण्डेश्वर मन्दिर,दन्तकाली मन्दिर तथा आसपासको क्षेत्र र इटहरीको चिन्तन चौतारी,काली मन्दिर र आसपासको क्षेत्रमा छायांकन गरीएको हो ।
