काठमाडौ १५ भदौ ।
एसिसी अन्डर १९ क्रिकेटमा नेपालले कुवेतलाई ८३ रनले पराजित गरेको छ ।
क्वालालम्पूरमा भएको खेलमा पहिले टस जितेर पहिले ब्याटिङ गरेको नेपालले पुरै ओभर खेलेर ८ विकेट गुमाउदै २ सय ५० रन जोड्न सफल भयो ।
खराब सुरुवात गर्दै ३४ रनमा ५ विकेट गुमाएर दवावमा आएको नेपाली इनिङस दिपेन्द्रसिंह ऐरी र सौरभ खनालले शतकिय साझेदारी गर्दै सम्हालेका थिए ।
नेपालका लागि दिपेन्द्र सिंह ऐरीले ९ चौका र २ छक्काको मदतमा सार्वधिक ८५ रन तथा सौरभ खनालले ५ चौका र १ छक्काको मदतमा ७३ रन जोडेका थिए । यी दुइले सातौ विकेटका लागि १ सय ३० रनको साझेदारी गरेका थिए ।
यस्तै प्रेम तामाङले नटआउट २३ रनको योगदान गरे भने कप्तान राजु रिजाल १५, सुनिल धमला ११, शंकर राना ८ तथा आशिष धामी ४ रनमा आउट भए ।
अरिफ सेख र राजविर सिंह डक आउट भए । नेपालले ३१ अतिरिक्त रन पाएको थियो । कुवेतका लागि मोहम्मद फौजीले सर्वाधिक ३ विकेट लिए ।
नेपालले दिएको २५१ रनको लक्ष्य पछाएको कुवेतले ५० ओभरमा ९ विकेट गुमाएर १६७ रन मात्र बनाउन सक्यो । उसका लागि मोहम्मद मिजान अलीले अविजित ८४ रन बनाए पनि अन्य ब्याट्सम्यान चल्न सकेनन् ।
नेपालका सुशील काडेल र प्रेम तामाङले समान २(२ विकेट लिए भने आरिफ शेख र दिपेन्द्र सिंह ऐरीले १(१ विकेट लिएका छन । आजको खेल जितेसंगै नेपाल अण्डर १९ एसीया कप क्रिकेटका लागि छनौट भएको छ.
यसअघि हिजो भएको खेलमा नेपालले आयोजक मलेसियालाई आठ विकेटले पराजित गर्दै शानदार जित हात पारेको थियो ।
